سنون هجران غموندن دیده گریان اولمایم نیلوم

اسن آشقته زلفون تک پریشان المایم نیلوم

داها سندن صورا دنیا گلستان اولسا میلم یوخ

زلیحا تک اورک قان دیده گریان اولمایم نیلوم

سنون عشقونده رسوا اولمالیدم اولموشام لیلا

داها مجنون کیمی چوللرده ویلان اولمایم نیلوم

اگر مین دفعه ده داراوسته گیتسم سسلرم لیلا

اوشهلا گوزلره باخدیقجا قربان اولمایم نیلوم

غمون دریا کیمی سینمده طو فان ایلیورهر دم

سنیق کشتی کیمی ط.فاندا ویران اولمایم نیلوم

چمن شرمنده دیر عکس رخندن سرو قدوندن

گوله ناز ایلین بو حسنه حیران اولمایم نیلوم

منیم گرداب وحشتده امیدیم تار زلفوندیر

بوگرداب ائچره سنسیز من هراسان المایم نیلوم

دئمشدیم بیرده صهبا ائچمرم التوبه  التوبه

اوتاندیم گوزلرون جورجک پشیمان المایم نیلوم

اگیلمز باشیمی دنیایه عشقون اگدی خوار اولدوم

داها بوندان صورا رسوای دوران المایم  نیلوم

ضریح عشقه کونلوم باغلانیبدیر کفر زلفونله

مرادین آلماسا ثالث مسلمان اولمایم نیلوم

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: